NY FITIAVAKO ANAO ... - Rasamindrakotroka Andry Tiana

NY FITIAVAKO ANAO  ...

Ny   fitiavako  anao,
Tena fitiavana madio,
Tsy   nisy   tambiny,
Toy ny an'ny mpilalao,
Niserana  toa  tadio,
Tsy mba nisy ambiny.

Ny  fitiavako  anao,
Niroso  moramora,
Tsy  nampoiziko ;
Hay  tsara  kalitao,
Tsy  nahafotsy rora,
Ka tena nankafiziko.

Ny   fitiavako  anao,
Lasa  fiarahantsika,
Tena  niorim-paka ;
Izay  rehetra  natao,
Dia  niarahantsika,
Sy niarahana nizaka.

Raha ny fiarahantsika,
Tsy  vitan'ny  jerijery,
Na  lasa seho ivelany ;
Ka ny endrika sy bika,
No nibahana nanery,
Nampivoaka ny felany.

Ny  fifankatiavantsika,
Niroso tena matotra,
Nanorenana tokantrano ;
Ny teny mamy nabitsika,
Nahatonga nifamatotra,
Tsara noho ny angano.

Ny tokantrano naorina,
Dia  narahin-jazavavy,
Sy  nisinton-jazalahy ;
Ka   tena   mafy  orina,
Nijoron'ny mpianakavy,
Tsy   amin'ny   ahiahy.

Niha maro ny taranaka,
Niriaria sy nifankatia,
Sy nifampitsinjo foana ;
Ka rehefa mba tafaraka,
Niezaka haha te ho tia,
Tsy diso amin'ny fotoana.

RASAMINDRAKOTROKA Andry Tiana
13 Jolay 2019

Hevitra mandeha

s19andry5851 (15/07/2019 03:53:13)

AZA HADINO ny manindry ny "ANKAFIZIKO" raha tianao !
Misaotra Tompoko !

s19andry5851 (15/07/2019 18:52:55)

AZA HADINO ny manindry ny "ANKAFIZIKO" raha tianao !
Misaotra Tompoko !

Hametraka hevitra

Midira aloha

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 13/07/2019
Mpamangy : 463
Mankafy : 6

Tononkalo hafa

NY ASA FAMPIANARANA
AZA MANDORO TANINDRAZANA
TIA ANAY IANAO JESOA
NY RÀN'I JESOA KRISTY TOMPO
NY ASA FITSABOANA, ...
TSIAHY SY NY HO AVY
MISAOTRA ANAO RY TOMPO !
HAFATRA HO AN'NY TARANAKA
MIORENA TSARA AZA MIOVA
AZA MANAO ORY HAVA-MANANA