NY TOETRIN'NY FITIAVAKO ANAO - ANJARIVO Ronsard

Azo vakiana?

Nitia sa Mitia sa Hitia?
Izy telo no atambatro ho anao ry Tiana;
Inty: TIA ANAO AHO ...

Ny lasako rehetra angoniko ho anao,
Ny ankehitriniko; efa ianao;
Ny ho aviko indray raha sitraky ny Avo:
Ianao no masoandron'ny foko isan'andro...

Ny tia??
Tsy fitaovana entin'animbazimbanan'ny hasin'ny tiana.
Ny tia??
Tsy fanararaotina maro filàna tsy ihafihafiana.
Raha tia:
Mitia tsy misy satria.
Satria,
Izany no ekena ho mpifankatia.

Ny fitiavana roy;
Fifamenoan'ireo maro tsiny.
Ny fitiavana roy;
Fifanakonana imasom-bahiny.
Raha mifanjono ny mpifankatia:
Tsy vanom-pitia.
Ny refi-potoanan'ny tena fitiavana akia:
Doria doria.

Ny fitiavako anao?
Fitiavana raiki-tampisaka am-po;
Tsy voasindan'izay rivodozam-po roa.
Ny fitiavako anao?
Vonon-kiarina, vonon-kisedra,
Vonon-kanitsy, vonon-kitaiza.

Nitia sa Mitia sa Hitia?
Izy telo no atambatro ho anao ry tiana;
Inty: TIA ANAO AHO!!

ANJARIVO Ronsard ( 02/08/07 )

Mombamomba

Mpanoratra : ANJARIVO Ronsard

Nampiditra : Ronsard
Daty : 29/11/2011
Mpamangy : 2881
Mankafy : 0

Tononkalo hafa

KIADY
HO MANDRAKIZAY ANIE
NY FANANTENAKO ANATY NY SAROTRA
NY HANITRY NY LASAM-PITIA
TSY ANJARAKO
IZA NO HO FIDIAKO
FANANTENANA
IANAO IRERY IHANY
TSY TIA FA MBOLA BABO
TETEZAMITA