Maninona anefa ? (Bovalox)
Mbola tsisy niantsa
(Nalaina tao amin'ny vetso.serasera.org)
Maninona moa na dia mangatsiaka?Raha matory irery
Sa tena efa zatra ka tsy misy fika
Dia tsy mahari-pery ?
Maninona moa raha tsy misy malala
Dia mba mananontena
Sa efa zatra ilay safosafo tsy miala
Sy ilay nofon-kena?
Maninona moa raha mba manjokaiky
Dia mba miaritra kely
Sa efa zatra matory dia mifanakaiky
Sy manao mamikely
Maninona moa raha ny bodofotsy
No atao marobe?
Toy izay hanantena an'ilay hoe rafotsy
Efa lasa nandeha
Maninona anefa, avelao izy ho any !
Akipio koa ny maso
F'izay milingilingy mbola ho potraka ihany
Ka hiantso hoe andraso !
--------
Rohy:
Sokajy :
fananarana
Hevitra mandeha
gemaS
(
31/05/2012 13:24)
tena manaiky ny faaizanao za e!!!okay bovalox a!!manorata fona fa mlay e!!
bovalux
(
31/05/2012 20:46)
Misaotra nankafy eh !