ANDRAIKITRA MASINA (DADAFARAtolotra)

"Loloavy sy ajao ny asa fa antoky ny ho avy maro loko izy"

Hanatsotra sandry ho an'ny tandrazana
Mikiry sy mihezaka ao am-panidina vazana
Na mafy sy mavezatra ny asa izay sahanina
Sikino ny herin-tsaina,aza avelanao hijanona
Hanasoa ny mpiara-belona!

Ampiakanjoy fikirizana, satroy firaisakina
Ny asa sy andraikitra nindramam-piadidiana
Ka ahazo vokatra mananko am-bazan'tany
Ho an'ny Madagasikara mba ataony teny mamy
Fa ianao dia andry hiankinany!

Loloavy sy hajao,ny fitiavan-tanidrazana
Porofoy anaty asa,fa ianao dia olo-mazana
Tena afaka misahana,ny tendron'ireo efa-mira
Mpiaro sady mpanasoa,tsy mahay maniratsira
An'ity tanintsika ity!
--------