SATRIA IANAO MPAMITAKA (DADAFARAtolotra)

Ahidiko ny vava tsy avelako hiteny
Tapenako ny sofina ny antsonao tsy rehany
Ireto fahasambarana kasaiko mba hatao
Akipiko ny masoko dia tsy mijery anao
Satria ianao mpamitaka!

Tazomy ho anareo ny lasa izay niraisana
Maratra ny fitiavako ka mbÿ mahita faisana
Ny tsiaro izay nandroboka ny foko tany aloha
Fefena sy bahanana tsy avela ho tafafoha
Satria ianao mpamitaka!

Tapahana ny tady izay natao fifamatorana
Rovitina ny lamba izay niaraha-nisalorana
Hajanona ny penina nanoratra tantara
Katsoana ny vavahady fa ny antsika roa tsy anjara
Satria ianao mpamitaka!

Raha toa k'isika roa ireto fafy izay maniry
Raha toa k'isika roa ity harena makadiry
Saromako hatsarana tsindrina fahalafarana
Hadana sy sokafana ho anao ny varavarana
Fa raha tsy isika kosa dia indrisy ry malala
Manombok'eo ianao dia hoataoko an-jorombala
Satria ianao mpamitaka!
--------