NY MASONAO MIJERY (endrika01)
Mbola tsisy niantsa
(Nalaina tao amin'ny vetso.serasera.org)
Ny masonao mijeryToa manao fangalam-piery
Raha jerena manoloana
Vatosoa babangoana!
Ny masonao mijery
No hanome ahy ny hery
Izay mitondra fifaliana
Sy bitsika mangina
Ny masonao mijery
No hanasitrana ireo fery
Izay nohentiko hatrin'ny ela
Ka tsy sahiko navela
Ny masonao mijery
Hanampy ahy tsy ho very
Amin'ny lalana hodiavina
Sy ireo loza mahatsiravina
Ny masonao mijery
Tsy hamela ahy ho irery
Toy ny andon'ny maraina
Manoloana ny adin-tsaina
Ny masonao mijery
miampy ireo feon-jorery
Toy ny taratra hazavana
'Zay tsy nananako mazana
Ny masonao mijery
tsy mikipy na voatery
Fa malalaka tokoa
Mitondra ho'ahy ny soa
Ny masonao mijery
Moa ho'ahy samirery?
Ireo no manome ny toky
Fa tsy toa ireo boloky
Ny masonao mijery...
--------
Rohy:
Sokajy :
Fitiavana
Mpakafy:
Vitsikakely
Hevitra mandeha
Smbatra
(
29/06/2008 14:39)
mmmhhh,tsara be endrika 01 a.
endrika01
(
06/07/2008 14:30)
misaotra ,ankia a hay ve ndry tonga hatraty koa e!
tiff
(
21/07/2008 14:14)
zany ka ainga panahy
endrika01
(
13/04/2009 12:38)
njy kou kia,njy no tena manana haingam-panahy be