HAHADIMBY ANARAN-DRENY - fanasina7

Azo vakiana?

HAHADIMBY ANARAN-DRENY

Ry zanako !

Raha misy fanomezana, dia ianao no "Sarobidy"
Tsy hita holanjaina, tsy hay tombànam-bidy
Ny vola aman-karena, tsy misy azo ampitahaina
Satria ianao ry zanako, dia tena sombin'ito aina.

Ry zanako !

Ianao no fifaliako, ianao no reharehako
Ianao no tabihako, amin'ny androm-pahanterako
Ianao no mameno, izay banga ato anatiko
Eny, tsy ho afaka am-bavako, mandrapahafatiko !

Ry zanako !

Raha ankalazaina, sy tsarovana anio
Ny nahaterahanao, dia izao no tadidio :
Fa mbola tsy hàry akory ianao, dia efa nankalazaiko isanandro
Ato am-poko, tsantain'ny vavako, raha mbola miposaka ny masoandro

Koa mahaleòva mahalasàna, ho hambinin-java-tsoa
Eny, hotahian'ny Tompo e, ka ho lasa alavitra tokoa
Ho tò daholo izay hirìna, hisònga avo ombieny ombieny
Ho henin-kaja sy voninahitra, ary hahadimby anaran-dreny.

"Joyeux anniversaire !"

*** fanasina7 ***
012309192146
(mpanoratsora-poana)

Rohy Pejy Fesiboky :

Mombamomba

Mpanoratra : fanasina7

Nampiditra : fanasina7
Daty : 01/10/2019
Mpamangy : 522
Mankafy : 0

Tononkalo hafa

ILAY EKS-MALALA
MANALA BARAKA VEHIVAVY
BYE BYE FA TSISY HEVITRA
ODY FITIA TENA MANDAITRA
NY ADIN'NY MPIVADY
KIFOSAM-PIALONANA
Modia ianao ry zanako
HANDEHA IANAO
FOIKO
FITIA VIRIJINY