HANDEHA IANAO (fanasina7)

Mbola tsisy niantsa

Hangataka antsa
(Nalaina tao amin'ny vetso.serasera.org)
… Tsy hangina indray ny foko
f’hitomany an-taratasy
…handeha ianao ry tiana ;
K’aleo hanaram-po fa zoko
Ny midradradradra mafy
Satria hilaozanao hangina.

Hahantra indray ny vatako,
Safosafo, tsongotsongo
F’hilaozanao ho irery.
Hihombo indray ny ratrako,
Ny foko hiha-hivonto
Satria sarotim-pery.

Fa hanainga indray ianao,
Handao ‘ty tanà-nahazatra
‘Zay niarahana nidola.
Tomany sisa azo atao ;
Hipitrapitra toa mahantra,
S’irony konka efa sola.

Badenina ny sofina,
Farina ny feo,
Jambena izany maso.
Ka zovy no hanohina
‘Ty fo ‘zay mitoreo
Miantso hoe “andraso” !
Tsy misy, ary tsy hisy…
Fahendrena ny mionona
K’hiandry indray ny lahatra.

2001F7
--------
Rohy:
Sokajy : Fitiavana
1757 1
Mpakafy: Ratan03
Hevitra mandeha
lalaiina ( 24/01/2014 06:54)
Zay nga vo lasa izy :D
fanasina7 ( 27/01/2014 11:16)
lol, jereo tsara ry lalaiina f'ef t@ 2001 ne io no voasoratra e :) sady izy iza kou mé zegny e :p
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.1194