AINGAMPANAHY FAHAVARATRA - Fidy Art Niaina

Azo vakiana?

Ao anaty kotrobaratra
No hanoratako ity kaloko ity
Alin-diavolana mitomara-taratra
Eto amoron'ny farihy

Ny tontolo mikalo fitia
Namorona voady sy teny filamatra
Nifanome toky ny ho doria
Eo ambanin'ny vintana sy lahatra

Toa mamiko loatra
Ny anilanao
Ka na hatrany Ankoatra aza
Tsy hifandao

Fa hiaraka foana
Hifampitanatana hatrany
Ka tontolo mangina sy moana
Hanaja antsika amin'izany ora izany

Orana mikija no manafy antsika
Nefa tsy ahoako izany
Fa ny tara-tselatra amin'ny masonao balika
No manome hery ahy hatrany

Ilay farihy somary manonja
Ny kotroka, orana sy ny tselatra
Mahatonga ilay fitia mihamafonja
Ka andeha isika rahavako hikopak'elatra

Ademar Mivetso

Mombamomba

Mpanoratra : Fidy Art Niaina

Nampiditra : Fidy Art Niaina
Daty : 27/07/2019
Mpamangy : 454
Mankafy : 0

Tononkalo hafa

NY LASA NIARAHANA LEITSY A
IRIKO
HERIM-PITIA
TSY HO FOANA
TOKANA
Ny Tononkirako
NY NAMPISY ANAO ETY
ILAY FASANA HO LAPAKO
ALEOKO MATY
VELOMA RALALA