ALEOKO MATY (Fidy Art Niaina)

Mafy loatra tena mila tsy ho tanty
Ny fahareseko no hita miranty
Izay mahita rehetra toa manakora
Ka aleoko hafainganina ho tapitra ny ora

Hitsara ahy ianao hoe tsisy herin-tsaina
Tsy vitako ny manohitra ireo olan-tsedraina
Ry olom-belona tsisy fitserana
tsy eo aminao tokoa, mantsy, ny toerana

Tsy vato latsaka ka tsara taty
Fa disaky ny alahelo aho ka aleoko maty
Ity no solon'ny fampandrenesana
Fa efa atomotra ahy Rafahafatesana

Fidy Art Niaina
--------