FAMOIZAM-PO (Fidy Art Niaina)

Tsy mino ny saiko,
tsy mino aho r'Iaiko
f'ianao ilay lalaiko
no lasa nandao
fa nahita vaovao,
ka nametrapetraka.
Mafy fa zakaiko.
Tsy kivy; tsy ketraka,
mijoro ho lehilahy
na dia ory fanahy.

Misento mangina
fa be fanahiana
nilaozan'ny tiana.
Injao vonton-tsento sy alahelo,
embona sisa no mamelovelo
omban'ny tomany
mijohy mikoriana.
Koa veloma ry tany !
Mantsy, tsy tantiko ny hitsiriritra...
Ny ranomaso aza moe efa ritra.

Mankahery tena
ity Foko honena.
Ilay fitia volamena
nolalaiko fatratra
no very any an-tatatra.
Tsy tiako horenesina
hoe lefy sy nihena
toa vy arafesina.
Ka aleoko hody any amin'ny mandrakizay
Ho sambatra, hiaina eo anilan-dRay

Ademar Mivetso - Mey 2017
--------