You are here: home > Vetso

NY SAKAFONAO - hjravs

Azo vakiana?

NY SAKAFONAO

   Mantamanta mohaka,
sarotra levonina
ny ventin'ampangoro narosonao ho ahy;

   tena tiako hitohaka
ny molotro 'lay roni-na-
atim-borona, saingy... vorona mifahy!

   Ny sakafonao tsy hoe halako,
f'ilay vavony adalako
no mifidifidy hanina,
k'aleo, aky, hilamina...

'zaho ange tsy fady,
f'ilay kalin-dry no tsy miady
amin'ity fahasalamako!
Tsy hoe fihafahafako,
f'aleo ho amin'izao!
Dia misaotra, indrindra, amin'zay narosonao!!!
                         hjravs

Hevitra mandeha

DotMG (09/07/2016 06:47:44)

NY NAHANDROKO.

Ka inona ihany no mety amin-droky?
'zay rehetra nandramana samy natosika
Lazao raha mba misy sakafo mahavoky
Hampahazoto homana ka hambosibosika?

Nandramako ireny: dibera, ronono
Lazaina fa hoe mamparary mivalana
Dia avy eo nosoloin-jana-poza natono
Tsy nety afa-po ise fa dia nihalangalana.

Vary ampangoro, izay nahandro gasy
Lazaina fa mamofompofona hery (*)
Inoako ihany koa izao f'ilay mananasy
Hotazanim-potsiny, havela ho very.

(*) hery = fivalanana.

hjravs (11/07/2016 11:55:19)

(y), Milay, nama izy 'zany, tsy 'lay nahandro fa 'lay dokam-barotra a!

Ka ny ronono
rehefa mivadika tena mamono;
ny foza kely,
mampagidihidy k'aleo tsy mamely;
ilay mananasy
vao miha-mahanoana, nefa fango i Ragasy,
ho lo eo ny tsinainy
satria "fery vao" no hifangaro amin'ny T.iny!

Oviana, ihany re, vao ho tojo ampangaro manitra sy varanga tsara tono e!

Mombamomba

Mpanoratra : hjravs


Nampiditra : hjravs
Daty : 07/07/2016
Mpamangy : 922
Mankafy : 1

Tononkalo hafa

FITORIANA
LOKO TOKANA
14 febroary
KILASIMANDRY
TRANGAM-PIAINANA
Tantara
ALEOKO
5/5
Tantara : FONJAN'OLO-MARINA
AVERENO NY SARINY