Lalana (honenantsoa)

Lalana nodiaviko
Feno zavona ka sarom-patarina,
Diako nalama maina saron-dinganina,
Fa tsy maintsy nizotra na maro ireo sakana,
Ho tonga amin'ny tanjona tiana tratrarina.
Ny Ray ao ambony nanoro nitondra namily,
Indrindra fa ireny lavaka tsy hita firifiry;
Soa fa nohitsiny...!
Izy fanilo sy hery nanohana
Efa nametraka ny kintana ho fahazavana
Firavahan'ny haizina ho ahy;
Nahatofoka ireo fahavalo nikasa ny andavo ahy.
Raha lalako tsy takatrin' ny faly manakiana
Ka andeha amin'ny heviny tiany,
Lalan-tsarotra sy ny dezaka
Fahombiazako ny tanjoko tsy voatokana ho an'ny ireny.

: honenantsoa
--------