DADA IHANY (IALY NOFY)

DADA IHANY

Raha tonga teto an-tany
Ka nanomboka niteny...
Nibadabada niantso Dada,
Io no tao am-bava .

Izy no natao hamelona
Hahatonga anay ho olom-banona .
Dada ihany,Dada indray...
Izy no mikarakara anay .

Raha jerena amin'ny fo tsy miangatra
Tsy mba taitra firy , toa tsy rototra .
Mijery lavitra ...tsy mitsinjo ny ho avy ,
Izay i Dada ....Tsy mety ho kivy .

Dada a , na lavitry ny ankaso
Na vonto ny alahelo ...Miampy ny tarazo
Mijoro foana Dada ...Lavitra taraina
Manantena ny ho tafita .

Ho lehilahy mahery
Hitory an'i Jesosy
Atombony ato an-trano
Ho reherehan'ireto zanako.

Ho faranako ilay amboara
Ilazako ny tantara
Raha i Ddada no lazaiko
Tsy ho foana ny ato an-tsaiko

Mankasitra ry Dada
Tsy ho foana ny anatra nambara
Mivavaka ho anao ...Ho eo anilanao
Aza mitomany Dada , ho ela velona
Hoy ity zanakao

Ho an'i Dada ANDRIANARIVO Fanomezantsoa Raphael
Ambatomaro ; 10.11.2022 .
--------