FANKAHALANA HATOKAKO ANAO (JAO Anjara)

FANKAHALANA HATOKAKO ANAO

Na dia tia ahy ambonin’ny zavatra rehetra aza ianao
Na koa mandinika ahy mandra-pilentik’iny masoandro iny
Dia izao no tsarovy sy ataovy ao an-dohanao
Fa halako ianao r’ilay manan-tsiny

Marina fa teny feno langom-pitia no nasetrinao
Mba hanafenana ireo rehetra ditranao
Kanefa na izany na tsy izany
Halako ianao,halako hatrany anatiko any

Ratram-pitia ve no mba fahatsiarovana omenao ho ahy?
Fijaliam-po ve no sangisangy hoentinao am-pifaliana ahy?
Diso anefa ianao,tsy fahatsiarovana,tsy fifaliana fa fijaliana
Ka noho izany,halako ianao ,tiako ho anao ny ao anatiko ao
Dia ny fankahalana tsy misy hanalàna
--------