Tsy kivy fa mitady (JAO Anjara)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raha mbola velona ny aiko
Mamelon-tena sy mitady
Mifoha maraina miandry baiko
Miantsoroka angady

Mitady vola hamelomana
Ny ankohonana sy ankizy
Satria velona mba homana
Am-piatrehana ny adidy

Asa mafy no miandry
Na izany aza tsy kivy
Atao an-kira sy kisangy
Fa hatsembohana no amidy

Adidy masina no atao
Manatsara tokantrano
Fiainan-tsambatra hiandrao
Ho tsofin-tsoa ny rano

Mahereza re ry tena
Miatadiava,matokia
Dia ataovy am-pahendrena
F'ity adidy ho doria.
--------
Rohy:
Sokajy : fiainana
1703 2
Hametraka hevitra
Midira aloha
Momba ny tononkalo
Mpanoratra : JAO Anjara
Nampiditra : JAOANJARA
Daty : 16/05/2015 07:32
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104