Ilay sahona sy ny bibilava ary ny takatra - Johanesa Rakotovao, mpitandrina
Azo vakiana?
"Ny tody tsy misy, fa ny atao no miverina"
Rasahona, 'lay mpikabary mahay :
Sondriana nitelina kankana iray.
'Lay izy variana iny indrindra, dia injay !
Tsaroany fa misy mitsaika any ho any.
Ka inona, re ? _ Bibilava masiaka !...
Nambosika ilay bory tongotra ratsy,
Ka dia velom-bolo, fa ngeza ny vatsy !
Nifona Rasahona ; nefa, indrisy !
Izay findrafom-bibilava tsy nisy !
Nitsipaka ihany, nirehoka mafy
Ho ren'ireo fianakaviana aman-jafy,
Fa saingy tsy ela dia maty mangina,
Ka ilay renivitsika foana no zina !
Kanefa, haingàna, tazàno, zareo,
Fa indro Ratakatra tamy nankeo !
Nasiany 'lay biby nanao feno vava,
Ka dia nitsipelika ilay rambo lava !
Nihoby Ratakatra : "Dray ! Takitaky !"
Nanoaka Rabiby, dia : "Maty aho, Kaky !"
Rankizy ! Havela hatreo ny tantara.
Ataovy mahampy ny kely nambara.
Fa izao no mba lesona tsotra, ento mody :
"Ny atao no miverina !" ; "misy ny tody !"
Voambolana :
Nihoriaka : mangovitra sady mikiaka noho ny tahotra.
Hametraka hevitra
Midira alohaMombamomba
Mpanoratra : Johanesa Rakotovao, mpitandrina
Nampiditra : Jantina
Daty : 01/08/2019
Mpamangy : 210
Mankafy : 1
Tononkalo hafa
Tsiriry nilanonaVorona mifidy mpanjaka
Vonim-boasary mihintsana
Fody very anaka
Vano nizaha tandindona
Tsintsina nanao akany
Tsikirity momba fody
Lambo sy tanalahy
Tanalahy sy angidina
Saobakaka sy tsindretra
