Tsiriry nilanona - Johanesa Rakotovao, mpitandrina
«Aza tama-dion-danitra, fa ny andro tsy mandrahona no morana»
Indray lohataona mangotraka mafy, Rehefa nandany ny vary nafafy,
Nataony mariry,
Dia lasa nivory tamoron' ny ony,
Nitsoka filiotra, nanezaka ambony,
'Zarony tsiriry !
Nampiady hatsikana ; samy variana,
Fa izay no fotoana famalifaliana, Fanaovana sasy!
Kanefa tsy lavitra ingahy mpihaza,
Mpijoko mangina, tsy mety milaza, Nandefa ny basy!
Ireo volotara namangy zozoro:
Nanentsi-tadiny sy nangorohoro !
Navela sangy !
Ireto tsiriry, nisara-malaina ;
Ny sisa tsy maty, nanao avotr' aina,
Fa zara tsy dangy!
Nanidina foana indray andro tontolo,
Fa izay hiantefana toa loza daholo,
Ka trotraka mafy !
Dia mampitadidy mihitsy àry izany,
Fa raha mba misy tantely ny tany,
Dia ao ny mpandrafy !
Mombamomba
Mpanoratra : Johanesa Rakotovao, mpitandrina
Nampiditra : hery
Daty : 18/06/2020
Mpamangy : 330
Mankafy : 0
Tononkalo hafa
Vorona mifidy mpanjakaVonim-boasary mihintsana
Fody very anaka
Vano nizaha tandindona
Tsintsina nanao akany
Tsikirity momba fody
Lambo sy tanalahy
Tanalahy sy angidina
Ilay sahona sy ny bibilava ary ny takatra
Saobakaka sy tsindretra
