Vonim-boasary mihintsana - Johanesa Rakotovao, mpitandrina

"Tsy misy vao tsy ho manitra, fa rehefa tonta sahala ihany"

Indray lohataona, nanao fampitaha
Ny foto-boasary tanatin'ny saha ;
Ka samy nanao fara-haingo vazaha :
Batista fotsy natao tsara didy,
Nasiana galom-bolamena voafidy,
Nilafika ravina soa sarobidy !

Ny hanitra indray ve ka hita holazaina ?
Fa izany 'lay hoe "mampitsanga-malaina".
Seranany monja dia velona ny aina !

Ny renintantely nanampy ny lolo :
Vahoaka sy tafika iray manontolo,
Tsy mamo mizaha, fa revo daholo.
Ka nony nisaraka, satry ho fohy
Ny alin-kandriana, fa tiana hitohy !
Ny zavatra tsara nirina hanjohy !
Fa nony maraina, odrey ! Zanahary !
Ny rivotra ratsy mpanimba ny vary
Nanao sovok'alina… odrey ! Maharary !
Nahintsany, mantsy, ny vonim-boasary !

            Ka moa ve tsy izany
            Ny fiainana an-tany ?
            Ny fo 'zay mifaly
            Dia mety hijaly !

Mombamomba

Mpanoratra : Johanesa Rakotovao, mpitandrina

Nampiditra : Jantina
Daty : 04/08/2019
Mpamangy : 354
Mankafy : 1

Tononkalo hafa

Tsiriry nilanona
Vorona mifidy mpanjaka
Fody very anaka
Vano nizaha tandindona
Tsintsina nanao akany
Tsikirity momba fody
Lambo sy tanalahy
Tanalahy sy angidina
Ilay sahona sy ny bibilava ary ny takatra
Saobakaka sy tsindretra