Tsintsina nanao akany - Johanesa Rakotovao, mpitandrina

Azo vakiana?

"Aza manao tsinjo voron'i Mazoto"

Sahirana, hono, ity tsintsina kely,
Nikaroka bodo hanaovana akany.
Nahita izany ity renintantely
Ka dia nanontany :
_ Simokitra mafy ny havako izany !
Maninona angaha ?
_ Manaiky ny didy mifehy ny tany :
Manao raharaha !
Nikatroka izy. Nitady, nitaona,
Fandrao diso taona.
Nandrary, nanenona volom-panory ;
Tsy ketraka akory !
Ny volana feno niratra tsy hita :
Ny tranony vita !

Ny tsintsina, manko, madinika ; nefa
Ny zoto mahefa !

Voambolana :

Bodo : volovolo manarona ny voan-javatra sasany, toy ny fanory (na fanoro), malemilemy sady fotsifotsy. Fanao sesi-kidoro izy io. Ampiasaina koa hamenoana ny loha-voatavo, na tapa-tandroka, fanantazana ny piti-batoafo fampiasan'ny Tambanivohitra any Anindrana, solon'afokasoka. Avy amin'io bodo io ny "zazabodo", " bodofotsy", "Rabodo".
Niratra: avy amin'ny " ratra". Ny volana fenomanana dia miratra tsikelikely vao tsinana indray. Ny atodiakoho koa dia miratra, izany hoe mihena ila, rehefa nipetraka ela.

Mombamomba

Mpanoratra : Johanesa Rakotovao, mpitandrina

Nampiditra : jantina
Daty : 03/08/2019
Mpamangy : 301
Mankafy : 1

Tononkalo hafa

Tsiriry nilanona
Vorona mifidy mpanjaka
Vonim-boasary mihintsana
Fody very anaka
Vano nizaha tandindona
Tsikirity momba fody
Lambo sy tanalahy
Tanalahy sy angidina
Ilay sahona sy ny bibilava ary ny takatra
Saobakaka sy tsindretra