Hasambarako (Lee Andrianalaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Hasambarako...


Hasambarako ny ratrako
Izay manenika ny foko
Raha hahasambatra malalako
Hampanjavona toloko


Hasambarako ny feriko
Raha izay koa ry tiako
Handaniako ny heriko
Ho anao ny fiafiako

Hasambarako ny hirifiriko
Raha izay no maminao
Ho sambatra tsy hifikiriko
Ataoko ho tsiaro ireto sarinao

Hasambarako na ho potika
Ilay foko tia anao tanteraka
Raha hahasambatra anao
Tsy ataoko hampitorevaka

Hasambarako ny alaheloko
Raha hahasambatra anao
Dia ekeko sy leferiko
Na ho rovitra ilay fo mitalao


Hasambarako ny fijaliako
Alefitro mba hahasambatra anao
Hasambarako fa tiako
Ny hahafaly ilay fo anatinao


Lee Andrianalaina
28 août 2021
--------
Rohy:
408 0
Hametraka hevitra
Midira aloha
Momba ny tononkalo
Mpanoratra : Lee Andrianalaina
Nampiditra : David John Lee Andrianalaina
Daty : 28/08/2021 16:44
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0153