You are here: home > Vetso

Fitia hafakely - MAHAFALY Barson Lahivelo

Azo vakiana?

FITIA HAFAKELY

Ilay foko tene tia,
tena tia anao Maria,
tsy mba azoko hazonina,
tsy mba haiko kobonina.

Tena tiako ny hilaza,
eny na tsy mendrika aza,
ny fitiavako anao,
ka azafady mba zakao.

Tena tiako re ianao.
Tena tiako amin'ny foko.
Fantatro fa fantatrao,
Raha izany soradoko.

.................................

E ry foko diso lalana
satria fitia tsy sahaza,
olona efa misy manana
no isisihanao ka aza...

manantena valinteny,
valinteny mahafa-po,
valinteny hoe: "eny"
fa valinteny hoe :"lo"

MAHAFALY Barson Lahivelo

Sokajy : Fitiavana

Hevitra mandeha

osrabn (07/05/2005 13:16:00)

Ity tononkalo ity dia nosoratana teo am-pitiavana zazavavy iray antsoina hoe Maria izay efa manana fofombady. Adaladala manko ny fitiavana!

nikopol (12/05/2005 12:23:27)

osrabn, sao dia mba mitovy ilay maria resahantsika fa io maria io koa efa nahatara ahy !

osrabn (12/05/2005 18:25:48)

Izy aloha i Maria tena maha-tara. Tsara tarehy be zay manko izy. Fa ny tsy fantatro dia ny hoe asa na mitovy ny Maria resahintsika na ny anarana ihany no mitovy. Izay aloha fa misaotra anao nametraka hevitra ry nikopol. osrabn

proost (18/05/2005 09:22:57)

tsara ny tononkalonao fa tiako

osrabn (19/05/2005 20:29:03)

Misaotra betsaka proost!

andriary (25/05/2005 15:54:38)

nisy olona tiako sy tia ahy efa ela!rava noho ny antony maro ny fiarahana saingy ny fitiavana mbola nisy tany anatiko tany sy tany aminy koa angamba!efa nanana fofombady , nanambady izy mbola tiako foana, ...eny efa nindaosin'ny fahafatesana izy taty aoriana mbola tiako foana satria fitiavana hafakely toy ity vetsoinao ity no nitiavako azy!
tiavo maria fa fitiavana mafonja izany...

andriary (25/05/2005 15:54:44)

nisy olona tiako sy tia ahy efa ela!rava noho ny antony maro ny fiarahana saingy ny fitiavana mbola nisy tany anatiko tany sy tany aminy koa angamba!efa nanana fofombady , nanambady izy mbola tiako foana, ...eny efa nindaosin'ny fahafatesana izy taty aoriana mbola tiako foana satria fitiavana hafakely toy ity vetsoinao ity no nitiavako azy!
tiavo maria fa fitiavana mafonja izany...

Hametraka hevitra

Midira aloha