You are here: home > Vetso

'lay... - MAHAFALY Barson Lahivelo

Azo vakiana?

‘LAY

‘Lay volonao nihofahofa
notsofin-drivotra tsy nahy,
no nanaitra sy namoha
‘lay fitiavako nifahy…natoritory hatrizay…tsy nitia…

‘Lay tsikitsikinao niantefa
tamiko ‘zaho samirery,
no namboatra ka nahefa
‘lay fitiavako hahery…mba hitory amizay… ‘lay fitia…

‘Lay bitsibitsikao nalefaka
nampian’ny endrikao sariaka,
no nanosika, nametraka
‘lay fitiavako hibaliaka…hahalala…anao hoe tia…

‘Lay orokao tsy nampoizina
niantefa teny imolotro,
no nanainga sy nanohina
‘lay fitiavako hatolotro…anao malala…ho doria…

MAHAFALY Barson Lahivelo

Sokajy : Fitiavana

Hametraka hevitra

Midira aloha