tsy misy hitarainana - manantena

Azo vakiana?

Ry tanindrazana malalako
Izay ho lovan'ny taranako
No injao mitaraina
Fa efa mihatra aman'aina
Ny hirifirin'ny fiainana
Tsy mba misy hitarainana

Fa ny vahoaka dia sahirana
Ny mpitondra faly mihinana
Tsy mijery ny ambany
Efa mandady amin'ny tany
F'efa lafo be ny fiainana
Tsy mba misy hitarainana

Ny asa atao koa tsy misy
Mahonena anefa indrisy
Tsy misy intsony azo atao
F'ataon'ny mpitondra kilalao
Mampalahelo ny fisainana
Tsy mba misy hitarainana

Dia minoa fotsiny ihany
Izay no baiko re hatrany
Fa mbola ho avy ny maraina
Izay efa tsinjoko ao an-tsaina
F'ilay maraina omaly ihany
No miverina androany

Fa ny teo ihany no miverina
Sy mbola hitsingeringerina
Fa tsy misy fiovana
Ny ataon'ny fitondrana
Mampalahelo ny fisainana
Nefa iza moa no hitarainana

Hevitra mandeha

endrika01 (18/01/2009 12:07:16)

mhhhh!tiko be lay hevitra fonosiny
tononkalonao!

Hametraka hevitra

Midira aloha

Mombamomba

Mpanoratra : manantena

Nampiditra : manantena12
Daty : 17/01/2009
Mpamangy : 773
Mankafy : 0

Tononkalo hafa

Manimanina
izaho irery
Tsiaro anao
Tsy maninona
Indraindray
Mahantra hoy ianao ny Malagasy
Aza kivy
mbola ho avy ny maraina
Fanehoam-pisaorana
Tsy tsapanao