Ny fitiavako anao - Nanour

Azo vakiana?

Fitiavana kidaladala
No niantombohan'ny tantara
Fitiavana maimaika
Tampohiny sy taitaitra

Noheverina tsy haharitra
Natao kilalao hahafinaritra

Saingy rehefa notohizana
Dia lasa fitsapana nikoizana
Isan'andro vaky izao
Matahotra ilaozanao

Nanjary fizahàna toetra
Sy nasiana tarigetra
Ny zavatra rehetra atao
Notanterahiko ho anao

Niezaka ny ho tsara bika
Nampirindra ny resantsika
Nahitako tombontsoa
Nampivelatra saina sy fo

Fantatro ianao fa tsara
Fantatrao aho fa tsy ho anjara
Fa lalana mba nifanojo
Nifanao tohatra tsy hiozohozo

Ny fitiavako anao
Tsy mety ritra hatr'izao
Na dia nilaozanao
Satria soa niaraha-natao.

Pour toi.