IO FITIAVANA IO (Nofy2)
Mbola tsisy niantsa
(Nalaina tao amin'ny vetso.serasera.org)
Io fitiavana io sakaiza tena sarotra fa ady Mbola zaza loatra ianao ka aza miditra sahady
Fa handalo eo foana rehefa any aoriana any
aza taitra na mba maika,mbola ho avy ihany izany
Fa andeha lazaiko anao ny amin’io fitiavana io
Saino tsara,eritrereto ary koa nge mba diniho
Fa raha toa ka hiditra ao aoka kely mba fantaro
Tena sarotra ny hiala dia eny izao dia efa sakano
Maro ireo nitsofoka ao,ka nisaina ny hivoaka
Sy nikasa mba handositra ary hiala sy hitsoaka
Nefa tsy afaka nanoatra
Ka nisotrosotro toaka
Be koa ireo lehilahy no voafitaka tsy fidiny
Tamin’ito olon-tiany izay nataony ho sarobidiny
Kanjo inona hoy ianao,indro hitany tsy nahy
ilay voaloham-pitiavany teny an-tratran-dry zalahy
Nisy koa ireo tovovavy,nibitabitaka ery
nanambara tamin’ny tiany fa tena tia dia tena tia
kanjo inona no teo!,niova tampoka ny diany
Kepoka ralehilahy!foana teo ny faniriany
Ahoana ianao amin’izany mora ve ny mitia?
Mora zorina va re raha toa io no anton-dia ?
Dia eny mbola tsy tafiditra aza maika ny amin’izany
Fa raha io fitiavana io mbola handalo anao ihany
Nofy2
13 sept 2005
--------
Rohy:
Sokajy :
fananarana - Fitiavana
Hevitra mandeha
mandresy1
(
21/11/2015 04:46)
marn zn kanef z mhts n tafidtr ao anatn io zvtr lazainw io satri z zw vw 16ans nf le ul miark amk vw 15ans noho izn mbl zaza zay saing ef tafiditr lalin d ts mt esorin tsn
Nofy2
(
28/11/2015 15:10)
d toizo atram faran zan n fiaraanreo an!f az mieritreritr n isolosolo intson!
