HAFA IHANY (Nofy2)

Mbola tsisy niantsa

Hangataka antsa
(Nalaina tao amin'ny vetso.serasera.org)
hafa ihany ireto dada
ilay nampianatra nibada
fony mbola fahazaza

ilay nanoro sy nanitsy
handeha lalana mahitsy
nisangisangy taminay
nefa koa mba nanafay
rehefa hita ho tsy nahay

nitady vola ho an'ny zanany
hanasoa ireo taranany
nikely aina izay tsy izy
hatafita anay ankizy

hafa mihitsy koa i neny
nitrotro anay ombieny ombieny
no nampinono fony kely

ilay nikarakara fatratra
nanao ny ainy tsy ho zavatra
nanoro anay mba ho madio
ny ratsy rehetra hoy izy ario
fa ny tsara no itafio

nampilalao tsy mba niambaka
kivarivary sy sabaka
nandaniana fialan-tsasatra
afa-po sy tena sambatra

afa-po izahay zanaka
na dia hoe tsy tonga lafatra
ny fanirianay ankizy
ho tratra antitra izay ts'izy

Nofy2
13 Juin 2019
--------
Rohy:
947 3
Hametraka hevitra
Midira aloha
Momba ny tononkalo
Mpanoratra : Nofy2
Nampiditra : nofy2
Daty : 23/08/2020 18:37
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101