You are here: home > Vetso

Ny taloha sy ankehitriny! - Nofy2

Azo vakiana?

Sangisangy ilay fitia tamin’ny mbola vao niandoha
Ka noheverina fa ho fohy izay no masaka ao an-doha
Kanjo rehefa nihanandeha, nihanandroso ny fotoana
Nihamatotra tsy moramora, satry hifankahita foana

Tamin’ny izany ny hatsirony toa natsatsotsatso ery
Fa ankehitriny kosa mamy izany raha fitia
Raha taloha toa satry hody, tsy andry ery ny ho tafasaraka
Fa anio miova izany , raha ny tiana dia tsy hisaraka

Tamin’ny izany rehefa hihaona, dia nalaina be mihitsy
Dia madainga fa tsy afaka vokatry ny zava-misy
Mamorona izao sy izao atao maty paika tsara
Tsisy teny mibolila, tsy hahalalan’ilay malala

Ny tambitamby, rotsirotsy, ny teny mamin’ny fitia
Fahazarana ihany, ny avy ao am-po dia sanatria
Miseho ho tena saro-piaro sy sarotiny ery
Nefa fombafomba ihany amin’ny maha-mpifankatia

Eny izany ny fahiny, toa adidy no natao
Fa tsy misy ny fitiavana fa natao an-kilabao
Nefa izany rehetra izany nampitsiry tamin’ny izay
Ilay fitia vonon-kisedra ary ho mandrakizay

Nofy2
16 Avril 2012

Sokajy : Fitiavana

Hametraka hevitra

Midira aloha

Mombamomba

Mpanoratra : Nofy2


Nampiditra : Nofy2
Daty : 19/11/2015
Mpamangy : 2071
Mankafy : 1

Tononkalo hafa

HAFA IHANY
HATREO
Aoka izay
ato an-tranoko ato
Rehefa hanambady
Meteza
Rehefa
ny vady aman-janako
ahy ny fiainako
Ny vola