Rehefa - Nofy2
rehefa ny lehilahy
no ampy karakara
diniho ka jereo tsara
fa hatramin’ny any am-paosiny
tsy misy izay tsy raofiny
omeny anao daholo
ny sandry beny iny
hiarovan’ilay tiany
ny ditra sy ny etsetra
afoiny avokoa
fa izy tokam-po
kanefa mbola misy ihany ny adala
na feno tambitamby
mahazo safosafo
omena azy tsy miato
dia mbola mampirafy
mamono sy migafy
mihantsihantsy ady
mampijaly vady
kanefa dia lehilahy natera-behivavy
manana anabavy
dia sahy manitsakitsaka
midaroka, mamitaka
tsy mendrika ho vady
ka rehefa ny vehivavy
no atao tahak’izany
tsy omena fanajana
dia efa tsy tamana
ka aleony mitso-drano
mandao ny tokantrano
Nofy2 02 Avril 2019
Hevitra mandeha
andry 1000 (06/05/2019 05:04:38)
tsara loatra, sady marina
Nomena019 (06/05/2019 14:48:37)
Nofy ô! rehefa manoratra dia avaho ny teny baiko sy ny tena fanoratra : "Ny sandry be an'iny" kosa mba tokony hoe "Ny sandry beny iny" e. Faharoa manarak'izay, rehefa milaza hevitra ankapobeny dia filazam-potoana ankehitriny no fampiasa : "Ny ditra sy ny etsetra afoiny avokoa" (fa tsy hafoiny ...)
Misaotra antsika mandala sy manaja ny fitsipiky ny teny malagasy ary ny tsipelina.
nofy2 (08/05/2019 13:32:14)
mankasitraka ooo!!!misaotra am fanoron-kevitra!!
Hametraka hevitra
Midira alohaMombamomba
Mpanoratra : Nofy2
Nampiditra : nofy2
Daty : 05/05/2019
Mpamangy : 481
Mankafy : 5
Tononkalo hafa
ny vady aman-janakoahy ny fiainako
Ny vola
ny tokantranotsika
Mitovy isika
Ny eto an-tanana
Kristiana?
ilay zazavavy
Hanambady ianao?
HO INONAO
