DITRA - Ny R. FIDIMANANTSOA

Mba satriko hifampizarana
ny tsikin’ny fo te hitroatra,
fa misy fitia andrarana
kanefa mba mamiko loatra

Ny refiny tsy haiko  fipaka:
Toa hila ho mandrakizay,
Fa miezaka hahafehy ny laka,
hanakatra olon-tsy hay!

D’injany fa manentohento
Ny hanitra aeliny hifafy
Ka zariny ovana ny sento
sy irony alaheloko mafy;

Dia sitrako hifampizarana
‘lay tsiky mitroatran’ny fo,
handingam-pitia andrarana
fa mamiko!... Marina moa!

                                 Ny R. FIDIMANANTSOA

Mombamomba

Mpanoratra : Ny R. FIDIMANANTSOA

Nampiditra : Liber_T
Daty : 16/11/2013
Mpamangy : 1316
Mankafy : 0

Tononkalo hafa

REHEFA TENA TIA
046 - DIHY
VINANY
HOE "TSOTRA BE"
TSIARO FITIA
HO AN’IREO … HODY
HIHAVANA ISIKA
HAHAFANTARANY
Manina anao...