You are here: home > Vetso

HO AN’IREO … HODY - Ny R. FIDIMANANTSOA

Azo vakiana?

Ry sakaizako nandranto lavitry ny tanindrazana,
Sambatra aza I Gasikara, misy anao mbola hankamamy;
Manko maro ireo milaza fa teren’ny ady mazana
Ka tsy hanana fotoana hiherehana amin’izany;

Dia hadino ‘lay akany mahonena, mavomavo,
F’asa, tsy hainy ny miaina isanandro mihafihafy!
Ka heveriny ho tafita, tena tafasondrotra avo
‘lay tsy manina ny hody, sarimonina any an-dafy.

Nefa ianao tsy nanadino, tsy manolo ny niaviana,
Mankamamy izany mody, tsy miandrandra paradisa,
Rehefa tonga anie ianao, ho tafaray ny tia sy tiana;
Ho tsimbotry: tsy hifandao, tsy hifanary tonga adrisa.

Dia ho fantatrao tokoa, no sady tena ho hainao tsara
Fa na inona mitranga, tia anao koa Gasikara.

                                             Ny R. FIDIMANANTSOA

Mombamomba

Mpanoratra : Ny R. FIDIMANANTSOA

Nampiditra : Liber_T
Daty : 16/11/2013
Mpamangy : 824
Mankafy : 0

Tononkalo hafa

REHEFA TENA TIA
046 - DIHY
VINANY
HOE "TSOTRA BE"
TSIARO FITIA
DITRA
HIHAVANA ISIKA
HAHAFANTARANY
Manina anao...