Etsy matoria (RAKOTOMALALA Tanjona Mandimbison)

Etsy ary matoria,izany zanako izany,
Etsy matoria,dia manofisa mamy...
Etsy matoria,fa maizina ny tany...
Etsy matoria,atsaharo ny tomany!
Etsy matoria,fa tsy hatory aho akory
Etsy matoria,fa ny foko mbola ory...
Ory ny mihatra @fainantsika eto
Mitsilopilopy lalandava,tsy ilaozan-tsento!
Nefa etsy matoria!
Mikimpia dia mikimpia!
F'aza manahy ny momba ahy akory
Fa tsy maninona aho...hiaro anao matory!
Fa mandra-piavin'ny maraina,
Matoriza sombiniaina!
Ny R.T.M
--------