Nofy tsy hay hadinoina (RAKOTOMALALA Tanjona Mandimbison)

...Fa alina nafampana...
Ary lamba nihisaka mora...
Toa mamelona fanantenana
Ilay bikany bakorakora
Dia zavatra tsy inona ihany
Fa toa zava-poana an-tany!
...Fa alina tsy fanadinoana
Ary nofy niantefa tsy satry
Atamberimberiny eo foana
Ilay endrika mahafatifaty
Kanefa dia mbola noana...
Izany foko?-tsy afa-tsaona...!
...Dia tsapako fa nofinofy
Zana-javatra tsara tarehy
Toa zary mpandrotsirotsy...
Ilay molony tsara fihomehy
Tsy nampoiziko mihintsy,eny,aky
Ny nofinofiko hiantefa amin-dry!
...Ny aliko toa efa ho tapitra
Ianao nefa tsy foiko sarahana
Ny nofinofiko mahafinaritra
Kanefa tsy maintsy tapahana...
Satria efa tamy ny andro maraina
Fiononan'ny fo aman-tsaina...!
Ny R.T.M
--------