Asa ianao iny (Nyaritra)

Mbola tsisy niantsa

Hangataka antsa
(Nalaina tao amin'ny vetso.serasera.org)
asa ianao iny...!
fa toa hafahafa fihetsika
malaindaim-pamindra no sady vitsy teny
miova toa vahiny
fa tsikaritro matetika
ho misentosento lava sy mitokatokan-drery

asa ianao iny...!
fa toa malomalok'endrika
lali-maso sy hatsatra toy ny avy nitomany
te-hanome tsiny
fa izaho no nandrendrika
ilay sambo vao nisoka nikasa ny ho any

asa ianao iny...!
raha ho velona ahiahy
ka hanilika ny foko mitondra fery lazony
fa iny ilay fahiny
izay namitapitaka ahy
ka asakasakao raha hamono izay nalavony

asa ianao iny...
fa izaho kosa eto
dia vaka sady gina mandinika izay antony
nefa ekeko ankehitriny
ny hijaly sy hisento
ka hidio ny fonao fa ny azy efa nakatony
--------
Rohy:
1137 0
Hametraka hevitra
Midira aloha
Momba ny tononkalo
Mpanoratra : Nyaritra
Nampiditra : Nyaritra
Daty : 21/04/2008 07:30
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0094