You are here: home > Vetso

Minitra sarobidy - Oully

Azo vakiana?

Anaka,
Minitra an'alikisa no hiainanao etoana
F'ireto no minitra, mba iriko tsy ho foana

Ilay minitra voalohany raha hitsaika ianao
No nahariana anao ho isan'izao hita izao

Fa tsy haiko hotantaraina raha injay fa reko
Ny minitra hilazana, ny fonao izay hitepo

Minitra sarobidy ireny

Minitra maro tafatambatra no hanjary andro
Io no hitsenana anao ka hahita masoandro

Hifandimby ny minitra, ka ianao hihalehibe
Hanomboka hitsiky, hibada, ary koa handeha

Minitra sarobidy ireny

Ao koa ireo minitra tsy tiana ho tsaroana
Rehefa tsy ho salama fa manaintaina foana

Minitra mafy angamba tsy ho vita an-taratasy
Ilay hisarahantsika hamonjenao lakilasy

Minitra sarobidy ireny

Dia minitra mamy koa hafaliana sesilany
Ho vita ny fianarana, afa-panadinana ihany

Rehefa tonga ilay minitra, hanekenao fitia
Iriko ho tsara indrindra, tsy toy ny ahy tety

Minitra sarobidy ireny

Mety ho fantatrao koa ny minitra toy izao
Hametsovetso silak'aina tsy mbola terakao

Koa raha zary nofy aza ireo minitra ireo
Dia tena sarobidy, satry tsy hifarana eo

Fa minitran'i Neny
Minitra sarobidy ireny

Andamioly
24 jolay 2007

Sokajy : Fianakaviana

Hevitra mandeha

DRZK (26/07/2007 19:22:57)

Tsara kah ! ... Tongava soa ny vahiny na ho ela na ho haingana e ! hi hi hi . Mbola hisy aingam-panahy hafa indray ianao amin'izay dia izahay hankafy ny soratrao eto foana. Mazotoa e !

Oully (29/07/2007 15:07:33)

Misaotra D. Miara-mankafia eto isika izany.

Hametraka hevitra

Midira aloha

Mombamomba

Mpanoratra : Oully

Nampiditra : Oully
Daty : 24/07/2007
Mpamangy : 1302
Mankafy : 0

Tononkalo hafa

Sanatriaviko
NY ADIN'NY RENY
MENDRIKA
Loko niofo
Anareo roa
Tsia
Saro-baliana
Ilay
SERASERA
Fanontaniana