AZA ADINO - Petakasoa

Azo vakiana?

AZA ADINO

Aza adino ny mivavaka
Mba hisaotra Ilay Nahary
Fa Izy mahavita zavatra
Tsapa, hita  miharihary

Raha ianao mamaky io
No mbola velon’aina androany
Dia tsarovy tadidio
Fa mbola fitahiany izany

Aza adino ny mivavaka
Mangataka famélana
Fa mandatsaka an-davaka
Ny heloka sy  fahotàna

Ny satana miasa mafy
Hahapotika fanahy
Atsangano izy ho rafy
Mijoroa mba ho sahy

Aza adino ny mivavaka
Ho anao sy ny rehetra
Fa hery no handravaka
Ny finoanao efa mitoetra

PETAKASOA (faha-14 mey 2010)

Hametraka hevitra

Midira aloha

Mombamomba

Mpanoratra : Petakasoa

Nampiditra : petakasoa
Daty : 14/05/2010
Mpamangy : 1373
Mankafy : 0

Tononkalo hafa

NY FOKO VE NO ...
HAFATRA
HAY VE
Hafatra Paska
Tompo ô! ataonay ahoana
NOFINOFY
Ianao no anjarako
HERISETRA
MALAGASY AHO, MALAGASY IANAO
NY ZANAKA sy ny RAIAMANDRENY