HATRAIZA NO FETRA - Rabetokotany Latiana (Petakasoa)

Azo vakiana?

HATRAIZA NO FETRA ?

Hatraiza no fetran’ ny fitiavan-tena?
Fa zon’olona maro no hosihosena
Karama vary masaka no mba homena
Nefa ny  eso sy latsa atao sesehena
Ny tanjona moa dia fanangonan-karena

Hatraiza no fetran’ny fitiavam-boninahitra?
Manao fihetsika miedina sy fitafy miraratra
Dia mihevi-tena ho  tsara atao fitaratra.
Ny hafa  ambara ho fako aman’ahitra
Sy hoe : mandrimandry toa omby ao ampahitra

Hatraiza no fetran’ny fialonana
Ny namana tafita indro niavonana
Mamangy lazaina fa mitonatonana
Itadiavana hevitra izay hifandonana
Hampiadina hatramin’ny iray ankohonana

Hatraiza no fetran’ny faharantsian-toetra?
Tsikeraina daholo ny zava-drehetra
Vaovao mahafaly atao mampanjoretra
Ny fitiavana nosoloana herisetra
Fampahoriana no tonga tarigetra

PETAKASOA (faha-29 mey 2010)

Mombamomba

Mpanoratra : Rabetokotany Latiana (Petakasoa)

Nampiditra : petakasoa
Daty : 29/05/2010
Mpamangy : 1637
Mankafy : 0

Tononkalo hafa

NY FOKO VE NO ...
HAFATRA
HAY VE
Hafatra Paska
Tompo ô! ataonay ahoana
NOFINOFY
Ianao no anjarako
HERISETRA
MALAGASY AHO, MALAGASY IANAO
NY ZANAKA sy ny RAIAMANDRENY