TOLO-JANAHARY (Rabetokotany Latiana (Petakasoa))

Mbola tsisy niantsa

Hangataka antsa
(Nalaina tao amin'ny vetso.serasera.org)
TOLO-JANAHARY

Endrey izany hafaliana,
Tonga vahiny kely nirina,
Izay efa nandrasana ombieny,
Hisy hiantso ihany hoe : Neny.

Taona maro mantsy no lasa,
Tsy tanteraka izay kinasa,
Ahazoana an’Ikoto sy Ikala,
Niongo-bolo, nila ho adala.

Nalaina ny tsihy avy namadihana,
Natao tambany kidoro filafihana,
Niandry fitahian’ny razana,
Kanjo moana teo, nihidy vazana.

Natao indray ny fomba hafa,
vokatry ny dinidinika sy tafa,
Mazotoa hono mandohalika mivavaka
Fa Ilay Nahary manome fitahiana miavaka

Dia roso ary izato dia,
natao antsaina “minoa sy matokia”,
Tsy ela akory taoriana,
nitsiky ty molotra efa maina kina.

Mananjanaka ianao hoy i Radoko,
Mitonia, atsaharo ny toloko,
Misaotra anao Ray Mahery,
Namonjy ity olom-bery.

PETAKASOA (Alatsinainy faha-26 aprily 2010)
--------
Rohy:
Sokajy : Fiderana - fiainana
1071 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0099