Satriko (Pharaon)
Mbola tsisy niantsa
(Nalaina tao amin'ny vetso.serasera.org)
Satriko tokoa ny ho eo anilanao foana
mamiko ihany koa
ny ho tantananao mandava-taona
Satriko raha ny hafaliana
no mahenika ny fiainako tontolo
kanefa anie ny fijaliana
no manjaka mampitsangam-bolo
Satriko foana
raha ny mamy no atelina
kanefa ny mangidy manoloana
manery ahy tsy hay hafenina
Satriko dia satriko
raha ny hazana no mandravaka
an'ity voary nofunidiko
sady hanafaka azy amin'ny aizina ao andavaka
--------
Rohy: