Mangina (Pissoa)

Fireneko

Mangina izy tsy niteny,
Tsy nahaloa-peo intsony
Nopotehinao ireo tehiny,
Ireo nohariany, nokoloiny.

Mangina izy, misento lava
Noho ny fingampinganao.
Jereo ilay endriny fa rava,
Noho ny etraketrakao.

Mangina izy f'efa lavo,
Fandrihanao ireo olo-mariny.
Izay te hanandratra azy ho avo,
Anaovanao ny tsy rariny.

Resy izy, amin'ny tany,
Dia io ianao fa mody fanina.
Ireo hevi-petsinao tsy lany,
Manepotra azy tsy ho tafarina.

Pissoa
--------