niova ianao ... (Pissoa)
(Nalaina tao amin'ny vetso.serasera.org)
niova ianao.Ho tantinao io va re,
Raha mba averiko aminao
Ny familafilana?
Toa fomba nahazatra anao,
Sy toetra tsy azonao nialana,
Toa nanosika ahy handeha?
Moa ho zakanao io koa
Raha ataoko irony teny mafy,
Sa tambitamby niova loko?
Na ireny gafigafy
Nanindrona ny ambompoko;
Tsy indray mandeha na indroa ...
Moa ho azonao leferina
Raha 'zaho no tsy mivaky loha
Fa manao tara lava?
Toy ny fombanao taloha,
Ka na ho tataka ny vava
Dia ny eo ihany no miverina.
Nefa tsy tiako izany no atao,
Fa efa niova mantsy ianao.
Pissoa (30 Aogositra 2005)
--------
Rohy:
https://vetso.serasera.org/tonokalo/pissoa/niova-ianao
Hevitra mandeha
mi12
(
10/10/2005 13:43)
inona anga no mety nampiova azy, nanarinao ve? sa mba nahatsapa tena?
pissoa
(
10/10/2005 17:33)
ooops, pissoa moa izany tsy mbola niaina io tononkalo io eh ...
fa ndeha atao hoe nanarina dia nahatsapa tena :)
fa ndeha atao hoe nanarina dia nahatsapa tena :)
Malalason
(
12/10/2005 13:18)
ny valifaty tsara indrindra dia ny : FAMELAN-KELOKA, izany an mirary soa
Malalason
Malalason
pissoa
(
13/10/2005 14:19)
ekena
lapino
(
13/12/2005 12:11)
Pissoa < tsy mahatakatra ny lentan'ny tononkalonao, fa io e ;)
Ianao tsy tonga saina akory
Amin’ny atao sy ny teny
‘Zay tena mahasosotra
Lefitro aby anefa ireny
Eo koa ny hoe toetra anaty
Ilay tsy dia mivaky loha
Hay ianao tsy nahatanty
Dia nitana lolom-po
Mahatalanjona ahy tokoa
Ity natiorantsika ity
Fa toa natao hahasoa
Ireo sedrasedran’ny fitia
Eo ange eritrereto
Raha tsy nisy moa izany
Isika ve izao hatreto
Mbola ho niaraka hatrany?
“Niova aho”, niova ahoana?
Izao ve ianao vao mahazo
F’ ianao ange tiako, tiako foana
Ilay fitiavako tsy halazo
Ianao tsy tonga saina akory
Amin’ny atao sy ny teny
‘Zay tena mahasosotra
Lefitro aby anefa ireny
Eo koa ny hoe toetra anaty
Ilay tsy dia mivaky loha
Hay ianao tsy nahatanty
Dia nitana lolom-po
Mahatalanjona ahy tokoa
Ity natiorantsika ity
Fa toa natao hahasoa
Ireo sedrasedran’ny fitia
Eo ange eritrereto
Raha tsy nisy moa izany
Isika ve izao hatreto
Mbola ho niaraka hatrany?
“Niova aho”, niova ahoana?
Izao ve ianao vao mahazo
F’ ianao ange tiako, tiako foana
Ilay fitiavako tsy halazo
pissoa
(
16/12/2005 18:43)
lapino> milay an! misaotra e! :)
nyeja
(
20/12/2005 14:24)
lapino hitako ny sangan'asanao anio, tsara e dia ny an'i pissoa koa fa indro kely fotsiny dia aza mampiasa teny efa nampiasaina eo aloha hamaly ilay eo aoriana ohatra hoe efa miteny fo ianao dia aza averina intsony fa ataovy teny hafa. Fa tsara ilay tononkalonao e.
pissoa
(
20/12/2005 16:26)
misaotra an'i nyeja mitsidika sy mitondra fanintsiana!
lapino
(
20/12/2005 21:58)
Andray kosa e, nenay misy rima tapaka dia tsy mba nahitsin'i nyeja, ... :)
pissoa
(
05/02/2007 17:33)
Aza masosotra ry lapino an ;)