You are here: home > Vetso

Ny antsika roa ... - Pissoa

Azo vakiana?

Ny antsika roa,

Ho inontsika moa ny androany,
Na dia "fety" eran-tany,
Raha tsy tena avy ao am-po?

Sao hanjary seho ivelany
Ka hadera ny famelany,
Nefa tsy hitondra soa.

Ndeha hidola toy ny volana,
Hanalavidavitr'olana,
Dia hahafinaritra ny miaina?

Sa handeha hitango kintana,
Dia hitanisanisa vintana
Hahamirana ny saina?

Nefa ny "isanandrontsika",
Tsy mba ilay volana baliaka,
Fa ilay haizina sy jaly.

Isika samy mahafantatra,
Tsy hilana kintana hitaratra,
Fa tsy miova ilay "omaly".

Raha mbola misy ilay fitiavana,
Raha mbola manana finiavana,
Raha mbola vonona hiara-dia;

Ndao mba zavatra haharitra,
No iarahana mamaritra,
Mba hampivelatra fitia.

Ndao havily ny tantara,
Tsy iandrasantsika anjara,
Fa andraikitro io, andraikitrao.

Ndao ny antsika, Sombinaina,
Ny isanandro no hatsaraina:
"Isika roa" vaovao.

Ndao ATOMBOKA androany
Ny "fety" ho antsika roa.

Pissoa (14 Fevrier 2006)

Sokajy : Fiainana, Fitiavana

Hevitra mandeha

bichette (14/02/2006 12:27:26)

tena tsara tokoa

fiaritiana (14/02/2006 20:25:50)

Marina mihitsy izany ry Pissoa a! tsy hoe manao fety ny olona dé iny mba hanaraka koa na tsy tia aza!fa tena ilaina ny fitiavana
mahereza aky a!
tsara bé

pissoa (15/02/2006 15:28:11)

Misaotra an'i bichette sy fiaritiana e!

Fiaritiana: Mangala-tahaka fotsiny, hihihi

Hametraka hevitra

Midira aloha

Mombamomba

Mpanoratra : Pissoa

Nampiditra : pissoa
Daty : 14/02/2006
Mpamangy : 1274
Mankafy : 2

Tononkalo hafa

Tsy hanoratra
Tsy fantatrao
Mizarà Fitiavana
Torio fitiavana
Vavaka hariva
Izy ve ?
Nofinofy lavitra
Hiangaro
Tsy holazaiko
Izy iny