IZY INY MANTSY...! (RAKOTOMALALA Mandimbison Fenoantra)

Izy iny mantsy...! olo-tiko
Tonkana aman-tany
Tsy misy mahasolo
Ray aman-dreniko faharoa

Mampitombo ny hafaliko
Mamafa lay endriko tomany
Manome fitiavana voakolo
Hahitako tombotsoa

Tsy lany hamamiana!

Izy iny mantsy...! olo-tsotsa
Hanany raha ny fandeferana
Tiako aho raha mba hitovy aminy
Sarobidy loatra izy amiko

Nanarina lay fitiavako efa osa
Nanolotra fitiavana tsy ferana
Nahatsiarovako lay lasa fahiny
Nanorina ny akaniko

Tanindrazana tena mamiko

Izy iny mantsy...! idealin'ny foko
Diamondra sarobidy
Jiro manazava ny maizina
Masoandro manome hafanana

Manaingo ny tontoloko
Manolotra fitiavana lafo vidy
Ao anaty fangirifirina
Toerana kanto mahatamana
Voarindra anaty natiora!


12 oktombra 2013
--------