Ilay Tantaran-tsika roa - RAKOTONJANAHARY Tojosoa Ejicà

 Voasoratra ho tantara
 Ilay fitiavana taloha
 Izay tsy hadino ka tsy miala
 Fa tafalatsaka ao am-po

 Asa raha tsaroanao
 Fony isika niara-dia
 Dia toa tsy hifandao
 Fa tena nifankatia

 Raha mihaona vao maraina
 Dia tarihina ny tafatafa
 Ireo azo ambara tanisaina
 Koa tsy mba nisy nihafahafa

 Nahoana kosa re ?
 No toa rava vetivety
 Sa kosa ny fonao ve ?
 No nidrikina tsy nety

 Ity foko mbola tia
 Dia nilaozanao sahady
 Ka foana ilay fitia
 Na tsy nisy akory ny ady

 Any andro iray
 Mety hihaonantsika roa
 Dia amin’izay fotoana izay
 Ilay tantara vao mifoha

Mombamomba

Mpanoratra : RAKOTONJANAHARY Tojosoa Ejicà

Nampiditra : tiahservice
Daty : 25/06/2019
Mpamangy : 997
Mankafy : 5

Tononkalo hafa

VELOMA MBOLA IHAONA
NY TENA NAMANA
HO AN'I DADA
TOA TSY SAHY AHO
MINO AHO
HO AN-JANAKO
TAO ANATY ONJA
NAMAKO IREO
IZA HOY IANAO NO DISO?
HO AN'IZA HOY IANAO NY TSINY?