VELOMA MBOLA IHAONA - RAKOTONJANAHARY Tojosoa Ejicà
Azo vakiana?
Atreto ilay ora voatendry
Izay tsy maintsy ifandaozantsika
Koa tapitra hatreto ary ny karenjy
Tsy maintsy farànana na mbola tsy vita
Tonga ary inty ny fotoana
Izay tsy maintsy isarahana
Andaozako ny anaranao
Andaozako ny fitiavanao
Tena mafy amiko tokoa
Ny andao anao ry ilay namako tiako
Nohon’ny hamaroan’ny soa
Nafafinao ahy antsitra-po
Iny ary aho no lasa koa veloma!
Andao anao an-dranomaso
Hitodika hamonjy ny fodiana
Manjonitra, malahelo anao mangina
Misaotra tamin’ny fitiavana
Mba niezaka namalifaly
Ireny amiko tena goavana
Indrindra amin’ny ara-moraly
Tsy ho lefy ato ampoko ireo fotoana mamy
Nifampizarana ireo kolon-tsaina
Indrindra eo amin’ny sehatrin’ny fizahan-tany
Miraikitra ao andoha tsy miala ao an-tsaina
Ny hafatro dia aza manadino
Ilay tantaran-tsika niserana
Izao manko mahatoky sy mino
Fa ho avy ny andro iverenana
Mahereza ary izany namako izany
Mahereza! Aokizay ny tomany
Tsy ho adinoko ireo zavatra vita
Mino fa mbola ifankahita
Mombamomba
Mpanoratra : RAKOTONJANAHARY Tojosoa Ejicà
Nampiditra : RAKOTONJANAHARY Tojosoa Ejicà
Daty : 17/09/2022
Mpamangy : 105
Mankafy : 0
Tononkalo hafa
NY TENA NAMANAHO AN'I DADA
TOA TSY SAHY AHO
MINO AHO
HO AN-JANAKO
TAO ANATY ONJA
NAMAKO IREO
IZA HOY IANAO NO DISO?
HO AN'IZA HOY IANAO NY TSINY?
MIVERENA!
