HO AN'I DADA - RAKOTONJANAHARY Tojosoa Ejicà

Azo vakiana?

 Isaorako ianao ry Dada
 Fa nanaiky ny adidy izay napetraka
 Nanao izany ankitsim-po
 Nanao izany tsy andolo-po

Nitaiza ahy, sy nanabe
Nitrerona, nikapoka, sy nifehy
Nanoro ny lalana tokony hizorako
Nanosika ahy tamin’ny fianarako

 Nisorona ho ahy raha sendra aho ka noana
 Nanafy ahy tsy ho olon’olom-poana
 Nampifaly ahy raha sendra aho tomany
 Naneho fitiavana tsy nisy otrizany

Nanohana ahy raha indro aho ka lavo
Nikasa hatrany ny hanandratra ahy ho avo
Nanao izay niavahako tamin’ny rehetra
Nibango, nanadio mba tsy ho voretra

 Nitaiza ahy tamin’ny finoana
 Ahatonga ahy ho lasa olom-banona
 Nanampy aram-panahy tsy ho lotoana
 Mba ho tahiana amin’ny asa sahanina

Nanome ny rehetra izay nilaiko
Nanao izay nahafinaritra ny saiko
Nandany vola aman-karena
Mba ananako ilay fahendrena

 Tsampako ankehitriny
 Fa tsara nohon’ny dada rehetra ianao
 Noho ireo vitanao fahiny
 Dia ilay fitia tsy ankilabao

Dada a! atolotro ho anao ity asa-soratro
Mba ho solon’ny fisaorako ho anao
Koa raiso ary inty aingam-panahy
Ho ela velona ianao, Jesosy hitahy!

Mombamomba

Mpanoratra : RAKOTONJANAHARY Tojosoa Ejicà

Nampiditra : RAKOTONJANAHARY Tojosoa Ejicà
Daty : 17/09/2022
Mpamangy : 151
Mankafy : 0

Tononkalo hafa

VELOMA MBOLA IHAONA
NY TENA NAMANA
TOA TSY SAHY AHO
MINO AHO
HO AN-JANAKO
TAO ANATY ONJA
NAMAKO IREO
IZA HOY IANAO NO DISO?
HO AN'IZA HOY IANAO NY TSINY?
MIVERENA!