Ny Fitiavako anao - RAKOTONJANAHARY Tojosoa Ejicà

 Ny  Fitiavako  anao  izay  tsy ho voavidy
 Koa  na  iza  na  iza,  tsy  afaka  handidy  
 Ny  Fitiavako  anao  dia  tsy  mety  ho  faty
 Fa  efa  miraikitra   ato  anaty

 Ny  Fitiavako  anao  dia  voafehy  
 Ao  anatin'ny  Akany  tsara  tarehy
 Ka  na  zovy  na  zovy  hamoha  ny  fatorana
 Ilay  Fitiavako  anao  dia  tsy  hatahorana

 Ny  Fitiavako  anao  dia  tsy  mety  hafindra  
 Satria  ilay  fitia  tena   lehibe  indrindra
 Koa  na  iza  na  iza  hanao  herisetra  
 Ny  Fitiavako  anao  dia  tsy  hanam-petra

 Ny  Fitiavako  anao  izay  novolena
 Tao  anatin’ny  Fo,  lonaka  mamoa
 Koa  na  totototoina  na  hosihosena
 Dia  hitsimoka  ihany  na  tena  efa  voa

 Mety  hisy  ny  mpanao  ankaso
 Koa handatsa-dranomaso
 Ary  koa  ny  hiteny  lava
 Fa  ny  Fitiavako  anao  dia  tsy  mba  ho  rava

        Ny  Fitiavako  anao  tsy  sanatria  mandalo
 Tsy Marim-pototra  maha- be  fahavalo
 Tsy  ilay  fitia  sary  na  hoe :  Maikamaika
 F’ilay  fitia  tena  mahery  vaika

 Ny  Fitiavako  anao  dia  efa  vatofantsika
 Mitoetra  ao  anaty  ka  tsy  ho  voafandrika
 Koa  na  amam-polony  na  aman-jatony no  manenjika  an’izy  io
 Dia  tsy  hahafoana  mihintsy  ilay  fitiavako  Madio

        Ny  Fitiavako  anao  dia  hahanjary
Ary   eo  an-tanan’ilay  Mpahary
Ny  Fitiavako  anao  dia  iray
Izay  maharitra  mandrakizay

Hametraka hevitra

Midira aloha

Mombamomba

Mpanoratra : RAKOTONJANAHARY Tojosoa Ejicà

Nampiditra : RAKOTONJANAHARY Tojosoa Ejicà
Daty : 29/03/2019
Mpamangy : 1837
Mankafy : 17

Tononkalo hafa

ILAY FOTOANANTSIKA
FITIA VOAHOSIM-POTAKA
Mahay Mitia
Ilay Fahazavako
Afom-Pitia
Ilay Tantaran-tsika roa
Tena Tiako Ianao
Ilay Fitia tena izy
Tena tia tokoa ve?
Ilay bika aman'endrikao