Hatraiza (ranaivoharijaona rado liantsoa)

Nankarinao hatr'aiza ny lahin-jironao
No ampy nahazava ny hatrao anatiko ao?
Ny ahy ny lahin-jiroko mitsilo oriory
Tsy afaka mibanjina zay misy anao akory!

Haavo firifiry no misy anao fitoetra
no indro mahatsinjo ny amiko rehetra?
Nyahy ny fahitako mitopy verivery
Tsy mety mahabanjina ny masonao mijery!

Ambany elatrao no mialoka ny tany
tsinjonao daholo ny lalana hombany!
Ianao no ilay mahery tsy ravan'ny fotoana
.....Andriamanitra ô nahoana?
--------