VALISOA - RANDRIANARIMANANA Jean-Jacques

Azo vakiana?

VALISOA
 
Izay mitolona am-panahy
         sy matoky an’i Jesoa
Ka mivavaka tsy miato,
         miasa mafy, milomay;
Dia ho sambatra tsy hanahy,
         sy ho ampoky ny soa
Ary hihamafy toy ny vato
        ny finoany an’Izy Ray.
 
---
Izay manaiky ny halemeny
         nefa miarina hatrany,
Ka miankina amin’ny Tompo
         sy amin’ny fahasoavany;
Dia tahiany sy vonjeny
         ka fafany ny tomany,
Ary dioviny ny loto,
         Izy hampamiratra ny tavany.
 
---
Izay feno fahasahiana
         ka mitory ny Evanjeliny
Ka mahavonjy fanahy osa,
         na dia toka-monja ihany;
Dia ho dibo-kafaliana,
         sy hotronin’ny anjeliny
Hovaliany soa miavosa
         ety ka hatrany am-parany any.
 
Jean-Jacques RANDRIANARIMANANA (09/04/2020)

Hametraka hevitra

Midira aloha

Mombamomba

Mpanoratra : RANDRIANARIMANANA Jean-Jacques

Nampiditra : J.Jacques
Daty : 09/04/2020
Mpamangy : 202
Mankafy : 0

Tononkalo hafa

SAKODIAVATRA
MOLOLO
JESOA HAZAVANA
MISY ANDRO …
ILAY ANDRO MALAZA
NY AINA
RAZANDRY!
HAVAOZIKO
NY FITIAVANTSIKA
Ity tononkalo ity