ANDROM-BOKATRA (raozigasy)

Mbola tsisy niantsa

Hangataka antsa
(Nalaina tao amin'ny vetso.serasera.org)
NOSORATANA HO FANKALAZANA NY ANDROM-BOKATRA TAO ANTSAHABE

ANDROM-BOKATRA

Andeha isika ry vahoaka, hiantso sy hihoby ny Anarany,
Ndeha isika rehetra mpino, hihira, hiantsa ts’isy farany,

Ka hiaraka hankalaza, ny Jehovah Tompontsika
Ka ireo zava-maneno, no arahin-kira sy mozika

Fa androm-bokatra androany, , ho antsika eto Antsahabe,
Hankalaza izany isika, na ny kely na lehibe

Koa andeha hifampizara, fifaliana, fiadanana
Koa andeha isika hifanolotra, ary hifandray tanana

Ho antsika rehetra mpino, iray trano, iray tafo
Tafahoana indray isika, hikorana, hisakafo

Ka hanao fanati-bokatra, na talenta, na harena
Ndeha atolotra amin’ny fo, an-tsitrapo fa tsy terena

Ka na kely no atolotra, na vaventy no homena,
Dia raisina avokoa, am-pitiavana ekena

Dia ankinina amin’ny Avo, ny koranantsika androany,
Na hira io na kalokalo, na sangisangy, na hanihany

Dia mahazoa fahafinaretana, mihinanà, mifalia,
Hoy izahay eto amin’ny tafo, FPMA Grands Champs Paris
--------
Rohy:
Sokajy : Fety - Aingam-panahy
1205 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0333